Քաղաքականություն
24.11.2022 | 19:25Այսօր «Գործընկերություն հանուն բաց հասարակության» նախաձեռնությունը և Անցումային արդարադատության միջազգային կենտրոնը (ICTJ) «Քաղաքացիական հասարակության հայացքը սահմանադրական բարեփոխումներին» թեմայով հանրային քննարկում են կազմակերպել։
Քննարկման ընթացքում քաղհասարակության մի խումբ կազմակերպություններ ներկայացնում են սահմանադրական բարեփոխումների վերաբերյալ իրենց առաջարկությունները, մոտեցումները և տեսակետները։
«Կարծում եմ՝ սահմանադրական բարեփոխումների խորհրդում իրապես մեծ մոտիվացիա չկա գնալ սահմանադրական բարեփոխումների»,- այս մասին նշեց «Իրազեկ քաղաքացիների միավորում» ՀԿ համակարգող Դանիել Իոաննիսյանը։
«Տպավորություն կա, որ իշխանություններն ավելի շատ ուզում են զուտ Սահմանադրությունում անել այն փոփոխությունները, որոնք կարող են արվել ԱԺ-ի կողմից։ Իսկ դա Սահմանադրության նվազ կարևոր կարգավորումներն են։ Սահմանադրության ամենակարևոր կարգավորուրմները չեն կարող իրականացվել խորհրդարանի կողմից։ Ըստ էության՝ իշխանություններն այս պայաններում, ինչ-որ առումներով նաև վերագրելով դա անվտանգային միջավայրին, հանրաքվեի գնալու տրամադրվածություն չունեն։ Եվ դա անդրադառնում է նաև խորհրդի աշխատանքի վրա, որովհետև խորհուրդը աշխատում է շատ դանդաղ և ոչ արդյունավետ»,- նշեց Իոաննիսյանը։
Մանրամասները՝ տեսանյութում։
