23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՀԱՊԿ-ի ոչնչացման կբերի ՌԴ-ի պարտությունը՝ Լուկաշենկոն խոստովանեց․ դո՛ւք փլատակում կմնաք, ո՛չ ՀՀ-ն․ Կարեն Սարգսյան․ ՏԵՍԱՆՅՈՒԹ
Քաղաքականություն
24.11.2022 | 20:02
Վարչապետ Նիկոլ Փաշինյանն այսօր Կառավարության նիստում հայտնեց՝ ՀԱՊԿ երևանյան գագաթնաժողովում չի հաջողվել ընդհանուր հայտարարի գալ երկու կարևոր փաստաթղթերի շուրջ։ ՀՀ իշխանությունը չի ստորագրել ՀԱՊԿ խորհրդի նիստի հռչակագիրը, սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը չի ընդունվել։ Դրանք ուղարկվել են լրամշակման, և Փաշինյանը հույս ունի, որ կգան ընդհանուր հայտարարի։
Սոցիոլոգ Կարեն Սարգսյանը, որ ՀԱՊԿ-ի անդամ երկրների ղեկավարների այցի դեմ Ազատության հրապարակում հանրահավաքի կազմակերպիչներից է, Factor TV-ին տված հարցազրույցում նշում է, որ ընդհանուր հայտարարի գալու սպասումն ինքնախաբեություն է։
«Պարզ է, որ ՀԱՊԿ-ն այլևս գոյություն չունի որպես քաղաքական կառույց, իսկ որպես ռազմաքաղաքական դաշինք շուտ է դադարել գոյություն ունենալ։ Ինքը ստեղծվել է 1990-ականներին, և գուցե ժամանակին անցումային ՀՀ-ի համար ուներ նշանակություն, սակայն 2001-2002 թվականներից, երբ Պուտինը բռնեց դիկտատուրայի ճանապարհը, առավել ևս՝ 2007 թվականի մյունխենյան ճառից հետո, ՀԱՊԿ-ն ամբողջությամբ սպասարկում էր ՌԴ-ի քաղաքական շահը միջազգային ասպարեզում։ ՌԴ-ն ստեղծել էր ՀԱՊԿ-ն՝ որպես ՆԱՏՕ-ին հակակշիռ։ Բայց Լուկաշենկոն Երևանում բացահայտեց, որ ՌԴ-ի պարտությունը պատերազմում կբերի ՌԴ-ի ոչնչացման։ Ինքը դա արտաբերեց, ասելով՝ բոլորը կմնան փլատակների տակ։ Դժվար է չհամաձայնվել դրա հետ, ուղղակի մե՛նք չենք մնա փլատակում, այլ իրենք։ ՀՀ-ն չօգտվեց ՀԱՊԿ-ից, նրանից օգտվողներն են մնալու փլատակներում։ Իսկ ՀՀ-ն նորից հրավեր է ստացել Բայդենի կազմակերպած ժողովրդավարության ֆորումին մասնակցելու։ Չնայած խնդիրներին՝ գնահատվել է, որ ՀՀ-ն ունի դրական շարժ։ Հետևաբար՝ մենք արդեն այդ ճամբարը լքել ենք»,- ասաց Կարեն Սարգսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
