07.06.2026 | 11:14
Էլինա Ավանեսյանը պարտվել է կիսաեզրափակիչում
ՌԴ Պետդումայի պատգամավորը Հայաստանն անվանել է «անօրինական պետական կազմավորում»
Քաղաքականություն
24.11.2022 | 15:08
ՌԴ Պետդումայի իշխող «Եդինայա Ռոսիա» կուսակցության պատգամավոր Եվգենի Ֆյոդորովը, մեկնաբանելով Երևանում նախօրեին անցկացված ՀԱՊԿ-ի դեմ բողոքի ակցիաները, Հայաստանն անվանել է «անօրինական պետական կազմավորում» և կոչ արել լուծել, իբր, առկա «ռոսատյացության հարցերը»։ Նա նման հայատյաց հայտարարություն է հնչեցրել Ura.ru-ի հետ զրույցում։
«Հայաստանի իշխանությունը դրվել է ԱՄՆ-ի կողմից նարնջագույն հեղափոխության արդյունքում, ինչպես, օրինակ, Կիևում։ Միաժամանակ, սակայն, Հայաստանը փակուղում է աշխարհաքաղաքական իրավիճակում, Ռուսաստանից է կախված նրա գոյության հարցը։ Ինչպե՞ս լուծել հարցը։ Պետք է միշտ լուծել օրենքով։ Հայաստանը ԽՍՀՄ-ից օրինակա՞ն է դուրս եկել։ Ոչ։ Ուրեմն անօրինական պետական կազմավորում է։ Պետք է գործել դրանից ելնելով»,- ասել է ռուսաստանցի պաշտոնյան, որը, ըստ երևույթին, իրազեկ չէ ո՛չ պատմությունից, ո՛չ միջազգային իրավունքից։
Էմմա Չոբանյան
