25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Քիշնևը կարող է մնալ առանց ջրամատակարարման
Քաղաքականություն
24.11.2022 | 14:54
Քիշնևի քաղաքապետ Իոն Չեբանը զգուշացրել է, որ Մոլդովայի մայրաքաղաքը հինգշաբթի օրվանից կարող է մնալ առանց ջրի՝ «Ape-Canal» ձեռնարկության պարտքերի պատճառով, գրում է ՌԻԱ Նովոստին։
«Մեզ զգուշացրել էին, որ այսօր կարող ենք մնալ առանց ջրի, մենք բոլոր փաստարկները տվել ենք կենտրոնական իշխանություններին և պատասխանատու մարմիններին, որ «Ape-Canal»-ն այլևս չի կարող դիմակայել էլեկտրաէներգիայի և գազի թանկացմանը: Սակագինը պետք է ճշգրտվի, այլապես «Ape-Canal»-ը չի դիմանա, և ռազմավարական պետական հաստատությունը կհայտնվի սպառնալիքի տակ»,- գրել է Չեբանը իր Telegram-ի ալիքում։
Նրա խոսքով՝ էլեկտրաէներգիայի արժեքը եռապատկվել է, ուստի ընկերությունը մոտ 290 հազար դոլարի պարտք է կուտակել։
Միևնույն ժամանակ, Քիշնևն ունի ջրի և կոյուղու ամենացածր գինն ինչպես երկրում, այնպես էլ եվրոպական մայրաքաղաքների շարքում։ «Ape-Canal»-ը սակագինը վերանայելու խնդրանքով դիմել է կարգավորողին, սակայն մերժվել է։
Տաթև Ֆռանգյան
