13.04.2026 | 11:03
Աննա Վարդապետյանը Շանհայում հանդիպել է Դատախազների միջազգային ասոցիացիայի բարձրաստիճան ներկայացուցչին
«Որևէ նոր բան չկա․ չի լինելու փաստաթուղթ, որը նախկինում հնարավոր չէր ոչնչացնել, հիմա ոչնչացվի»․ ՏԵՍԱՆՅՈՒԹ
Քաղաքականություն
24.11.2022 | 13:16
Ազգային ժողովի արտահերթ նիստի օրակարգում ընդգրկված են «Ազգային անվտանգության մարմինների մասին» օրենքում փոփոխություններ և լրացումներ կատարելու մասին և «Ազգային անվտանգության մարմիններում ծառայության մասին» օրենքում փոփոխություններ և լրացումներ կատարելու մասին հարցերի նախագիծը։
ԱԱԾ տնօրենի տեղակալ Անդրանիկ Սիմոնյանը, անդրադառնալով ընդդիմության դիտարկումներին ու մտահոգություններին, նշեց․ «Չեղած տեղը աղմուկ բարձրացնելու կարիք չկա։ Հարցը կարգավորված է դեռևս 1996թ․ ընդունված Պետական և ծառայողական գաղտնիքի մասին օրենքով, որի 15-րդ և 16-րդ հոդվածներով նախատեսվում է ոչնչացման ենթակա նյութերի պահպանման ժամկետները, նաև 2002թ․ ՀՀ կառավարության ընդունած փետրվարի 22-ի թիվ 168 որոշմամբ, որը նախատեսում է պահպանման ժամկետները լրացած, պետական և ծառայողական գաղտնիք հանդիսացող գաղտնազերծված տեղեկությունները պետական արխիվ հանձնելու կամ տեղեկությունները ոչնչացնելու կարգը»։
ԱԺ փոխնախագահ Ռուբեն Ռռուբինյանը հորդորեց հստակեցնել․ «Այսինքն՝ նոր կարգավորումների արդյունքում չի՞ կարող ոչնչացվել մի փաստաթուղթ, որը նախկինում հնարավոր չէր ոչնչացնել առանց գաղտնազերծելու»։
«Այո։ Նոր օրենսդրական փաթեթը ներկայացվել է գործող օրենսդրությանը ներդաշնակեցնելու խնդրով պայմանավորված։ Այսինքն՝ որևէ նոր բան չի լինելու»,- նշեց Սիմոնյանը։
Մանրամասները՝ տեսանյութում։
