21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
ՀՀ-ին օգնություն ցուցաբերելու փաստաթուղթը լրամշակման կարիք ունի, լրացման հանձնարարություն է տրվել․ Զաս․ ՏԵՍԱՆՅՈւԹ
Քաղաքականություն
23.11.2022 | 20:51
ՀԱՊԿ-ի կողմից Հայաստանին օգնություն ցուցաբերելու մասին փաստաթուղթը գրեթե պատրաստ է, սակայն որոշակի լրամշակման կարիք ունի։ Այս մասին հայտարարել է կազմակերպության գլխավոր քարտուղար Ստանիսլավ Զասը երևանյան գագաթնաժողովից հետո կայացած ճեպազրույցում։
Հանդիպումների ընթացքում, ըստ նրա, ամենաակտիվը քննարկվել է երկու փաստաթուղթ։ Դրանցից առաջինը Հայաստանին օգնություն ցուցաբերելու մասին պետությունների ղեկավարների որոշման նախագիծն էր։
«Ընդհանուր առմամբ, համաձայնեցված է որոշակի միջոցառումների փաթեթ՝ Հայաստանին օգնություն ցուցաբերելու այս դժվարին իրավիճակում, որը, իհարկե, կապված է Հայաստանի և Ադրբեջանի սահմանին լարվածության հետ։ Փաստաթուղթը ճանաչվել է ընդհանուր առմամբ պատրաստված, սակայն մի շարք կետերով այն պետք է վերջնական տեսքի բերվի։ Ուստի հանձնարարական է տրվել այս փաստաթուղթը վերջնական տեսքի բերել և ստորագրման ներկայացնել պետությունների ղեկավարներին»,- ասել է Զասը:
Զասի խոսքով՝ նույնը վերաբերում է նաև Հավաքական անվտանգության խորհրդի հռչակագրին։ Այն նույնպես «պատրաստվածության բարձր աստիճանի վիճակում է», սակայն որոշվել է մի շարք ճշգրտումներ կատարել նաև այդ փաստաթղթում։
Մանրամասն՝ տեսանյութում։
Տաթև Ֆռանգյան
