07.06.2026 | 11:57
Այս ընտրությունները պատմական նշանակություն ունեն. որոշում ենք այսօր մեր ապագան. Թաթոյանը քվեարկեց․ ՏԵՍԱՆՅՈՒԹ
Ղազախստանի նախագահ Կասիմ-Ժոմարտ Տոկաևը ժամանեց Երևան․ ՏԵՍԱՆՅՈՒԹ
Քաղաքականություն
23.11.2022 | 13:20
Ղազախստանի նախագահ Կասիմ-Ժոմարտ Տոկաևն աշխատանքային այցով ժամանել է Երևան։ Նա մասնակցելու է Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նիստին։
«Նախագահ Կասիմ-Ժոմարտ Տոկաևն աշխատանքային այցով ժամանել է Երևան: Այցի շրջանակում պետության ղեկավարը կմասնակցի Հավաքական անվտանգության խորհրդի նիստին, որը կանցկացվի նախապես հաստատված ՀԱՊԿ աշխատանքային պլանի համաձայն»,- ասված է Ղազախստանի ղեկավարի մամուլի ծառայությա տարածած հաղորդագրությունում։
Հիշեցնենք՝ այսօր Երևանում ՀՀ վարչապետ Նիկոլ Փաշինյանի գլխավորությամբ տեղի կունենա Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նիստը։ Նիստին մասնակցելու են Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Ստանիսլավ Զասը:
Մանրամասները՝ տեսանյութում։
Տաթև Ֆռանգյան
