30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայի ՊՆ ղեկավարը հայտնել է, որ ՌԴ-ից գնված C-400-ները պատրաստ են շահագործման
Քաղաքականություն
23.11.2022 | 15:42
Ռուսաստանից գնված C-400 ՀՕՊ համակարգերը պատրաստ են շահագործման։ Այս մասին հայտարարել է Թուրքիայի ՊՆ ղեկավար Հուլուսի Աքարը, գրում է Անադոլու գործակալությունը։
«C-400-ները տեղում են և պատրաստ են օգտագործման»,- ասել է Աքարը՝ ելույթ ունենալով խորհրդարանում պլանավորման և բյուջեի հանձնաժողովի անդամների մոտ։
Նա նշել է, որ երկրի օդային տարածքին սպառնացող վտանգի դեպքում ՀՕՊ համակարգերը կտեղակայվեն մեկ ժամվա ընթացքում։
«Եթե որևէ ձևով նման սպառնալիք առաջանա, Թուրքիան կտեղակայի համակարգն ու կկիրառի այն բանից հետո, երբ որոշի, թե որտեղ է իրականացվելու մեր երկրի հակաօդային պաշտպանությունը»,- պարզաբանել է Աքարը։
Նա նաև հավելել է, որ Անկարան ջանքեր է գործադրում ամերիկյան F-16 կործանիչների գնման համար և ընդգծել, որ եթե գործարքը չկայանա, Անկարան այլ տարբերակներ ունի։
Հավելենք, որ հենց ռուսական C-400 համակարգերի ձեռքբերման պատճառով է ԱՄՆ-ն պատժամիջոցներ սահմանել Թուրքիայի նկատմամբ։
Էմմա Չոբանյան
