26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Բելառուսի պատվիրակությունը ռազմական ինքնաթիռով ժամանել է Երևան
Քաղաքականություն
22.11.2022 | 20:25
Բելառուսի պատվիրակության մի մասն այսօր՝ նոյեմբերի 22-ին, ժամանել է Երևան, որտեղ կմասնակցի ՀԱՊԿ գագաթնաժողովին։ Այս մասին գրում է «Սպուտնիկ Բելառուս»-ը։
Նշվում է, որ պատվիրակությունը, որի կազմում են Անվտանգության խորհրդի պետքարտուղար Ալեքսանդր Վոլֆովիչը, պաշտպանության նախարար Վիկտոր Խրենինը և արտգործնախարար Վլադիմիր Մակեյը, Հայաստանի մայրաքաղաք է ժամանել Իլ-76ՄԴ ռազմական ինքնաթիռով։
ԲԵԼՏԱ-ն հաղորդել է, որ այս ինքնաթիռն օգտագործվել է այս տարվա հունվարին բելառուսական խաղաղապահ պատվիրակությունը Ղազախստան տեղափոխելու համար։
Հիշեցնենք, որ ՀԱՊԿ Հավաքական անվտանգության խորհրդի նիստը տեղի կունենա վաղը՝ նոյեմբերի 23-ին։
