Քաղաքականություն
22.11.2022 | 19:58
Մեծ Բրիտանիայի ՊՆ ռազմական հետախուզության ամենօրյա ամփոփագրում, որը նվիրված է ուկրաինական պատերազմին, հիշեցում կա նոյեմբերի 18-ի Նովոռոսիյսկի նավահանգստի նավթային տերմինալի վրա հարձակման մասին, որի մոտ տեղակայված է Ռուսաստանի Սևծովյան նավատորմի զգալի մասը, գրում է BBC-ի ռուսական ծառայությունը։
Բրիտանացիների տվյալներով՝ հենց այնտեղ՝ Նովոռոսիյսկ է ռուսական հրամանատարությունը սուզանավեր տեղափոխել Ղրիմից այն բանից հետո, երբ ուկրաինացիներն ամռանը հարձակվել էին Սևաստոպոլի նավահանգստի վրա։
Նշվում է, որ Նովոռոսիյսկի նավահանգստին նոր հարվածը ցույց է տալիս, որ ռուսական նավատորմն այնտեղ նույնպես ապահով չէ։ Ավելին՝ Կերչի կամրջի վրա հոկտեմբերին տեղի ունեցած պայթյունից հետո Ղրիմում ռուսական ստորաբաժանումների մատակարարումն իրականացվում է մեծամասամաբ ծովային ճանապարհով՝ Նովոռոսիյսկից։
Բրիտանական հետախուզությունը նշում է, որ նոյեմբերի 18-ի միջադեպի մանրամասներն ամբողջությամբ պարզ չեն, սակայն ուկրաինական բանակի՝ Նովոռոսիյսկին հարվածելու ունակության ցանկացած դրսևորում լրջորեն կբարդացնի Սև ծովում արդեն դիրքերը կորցրած ռուսական նավատորմի հրամանատարության կյանքը։
Էմմա Չոբանյան
