25.11.2024 | 22:33
Լոնդոնը ներկայացրել է ՌԴ «ստվերային նավատորմի» դեմ միջոցառումների ամենամեծ փաթեթը
Ղազախստանի ԿԸՀ-ն հայտարարել է Տոկաևի հաղթանակի մասին
Քաղաքականություն
22.11.2022 | 12:50
Ղազախստանի գործող նախագահ Կասիմ-Ժոմարտ Տոկաևը հաղթել է նոյեմբերի 20-ին կայացած ընտրություններում՝ հավաքելով ձայների 81,31 տոկոսը։ Այս մասին նոյեմբերի 22-ին կայացած հանդիպման ժամանակ հայտարարել է երկրի Կենտրոնական ընտրական հանձնաժողովի ղեկավար Նուրլան Աբդիրովը։
«Տոկաև Կասիմ Ժոմարտ Կեմելևիչը հավաքել է 81,31%։ Այսպիսով՝ 2022 թվականի նոյեմբերի 20-ին կայացած արտահերթ նախագահական ընտրություններում Տոկաև Կասիմ Ժոմարտ Կեմելևիչը ընտրվել է Ղախաստանի նախագահ»,- հայտարարել է ԿԸՀ-ի ներկայացուցիչը։
Աբդիրովի խոսքով՝ նորընտիր նախագահի երդմնակալության արարողությունը տեղի կունենա նոյեմբերի 26-ին։
Նշենք, որ Ղազախստանի նախագահական ընտրություններում «բոլորին դեմ» է քվեարկել ընտրողների 5,8%-ը։ Այսպիսով, ձայների քանակով սա երկրորդ հորիզոնականն է։
Նախագահի մյուս հինգ թեկնածուները հավաքել են ձայների 2,1-ից 3,4 տոկոսը։ Ընտրություններին մասնակցությունը կազմել է 69,44%:
Հիշեցնենք, որ նոյեմբերի 20-ին Ղազախստանում արտահերթ նախագահական ընտրություններ են անցկացվել նոր համակարգով՝ երկրի ղեկավարն ընտրվում է յոթ տարով՝ առանց վերընտրվելու իրավունքի։
