07.06.2026 | 11:24
Էհ, հանուն Հայաստանի Հանրապետության. Միքայել արքեպիսկոպոս Աջապահյանը քվեարկեց․ ՏԵՍԱՆՅՈՒԹ
ՌԴ Դաշնային խորհրդի փոխխոսնակը հայտարարել է, թե Հայաստանի և Ադրբեջանի կոնֆլիկտը «ՀԱՊԿ-ին չի առնչվում»
Քաղաքականություն
21.11.2022 | 16:47
ՌԴ Դաշնային խորհրդի փոխխոսնակ Կոնստանտին Կոսյաչովը aif.ru-ին տված հարցազրույցում անդրադարձել է նոյեմբերի 23-ին Երևանում կայանալիք ՀԱՊԿ գագաթնաժողովին և Ադրբեջանի ագրեսիայի հետևանքով Հայաստանին տրամադրվելիք հնարավոր օգնության թեմային։
«Հայաստանի և Ադրբեջանի միջև հակամարտությունը, իմ տեսանկյունից, կազմակերպության իրավասության մեջ չէ։ ՀԱՊԿ անդամ երկրներից յուրաքանչյուրն ինքնուրույն է որոշում իր վերաբերմունքը։ Ինչ վերաբերվում է Ռուսաստանին, ապա մենք ամենաանկեղծ ձևով նպաստում ենք կարգավորմանը։ Ավելին, մեր ջանքերը հավասարապես պահանջված են երկու կողմից էլ։ Այլ կերպ չի կարող լինել, իրավիճակը կարող է զարգանալ միայն այսպես։ Ընդունել այս հակամարտությունում միայն մեկ կողմին աջակցելու դիրքորոշում՝ կնշանակի սրել այն։ Անհրաժեշտ է որդեգրել խաղաղ կարգավորման դիրքորոշումը և օգնել ապահովելու, որ այս կարգավորման պայմաններն ընդունելի լինեն բոլոր կողմերի համար»,- ասել է Կոսյաչովը, որի համար, փաստորեն, ՀՀ սուվերենության դեմ Ադրբեջանի ագրեսիայի դատապարտումը նշանակում է «հակամարտության սրում»։
Հարկ է նկատել, որ ՀԱՊԿ կանոնադրության դեմ ոչինչ նշված չէ այն մասին, որ անդամ երկրի վրա ագրեսիան ամեն երկիր կարող է յուրովի դիտարկել։
Էմմա Չոբանյան
