01.11.2024 | 23:19
Հրդեհ Գյումրու տներից մեկում
Ռուբեն Վարդանյանի պատասխանն Ալիևին. Պուտինը հեռախոսազրույց է ունեցել Ադրբեջանի նախագահի հետ. ԼՈՒՐԵՐ
Քաղաքականություն
18.11.2022 | 13:25
- Բացվել է ՀՀ ՊՆ խաղաղապահ բրիգադի «Զառ» ուսումնական կենտրոնը, որը բարեկարգվել է ԱՄՆ աջակցությամբ: Միջոցառմանը մասնակցել են վարչապետ Նիկոլ Փաշինյանը, Պաշտպանության նախարար Սուրեն Պապիկյանը, ԱՄՆ Եվրոպական հրամանատարության ռազմավարության, պլանավորման և քաղաքականության հարցերով տնօրեն գեներալ-մայոր Դանիել Լասիկան:
- Ողջունում եմ Ադրբեջանի նախագահ Իլհամ Ալիևի՝ Արցախի հետ ուղիղ երկխոսություն սկսելու ձգտումը: Արցախն այս գործընթացում պետք է սուբյեկտ լինի: Կարծում եմ՝ լիովին համապատասխանում եմ պարոն Ալիևի առաջադրած բանակցողի չափանիշին՝ «ապրում է Ղարաբաղում և ցանկանում է ապրել այնտեղ»։ Այս մասին իր ֆեյսբուքյան էջում գրել է Արցախի պետնախարար Ռուբեն Վարդանյանը՝ արձագանքելով Ադրբեջանի նախագահի երեկվա հայտարարությանը։ Հիշեցնենք՝ Ալիևը նշել էր, թե պատրաստ է խոսել Ղարաբաղում ապրող հայերի հետ, բայց ոչ Մոսկվայից ուղարկված Վարդանյանի նման մարդկանց հետ։
- ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին հայտնում է Կրեմլի մամուլի ծառայությունը։ «Քննարկվել են ռուս-ադրբեջանական համագործակցության առանձին հարցեր առևտրատնտեսական և էներգետիկ ոլորտներում»,- ասվում է հաղորդագրության մեջ։ Զրույցից այլ մանրամասներ չեն հաղորդվում։ Հավելենք, որ ՌԴ վարչապետ Միխայիլ Միշուստինն այսօր ժամանել է Բաքու, որտեղ մասնակցում է ռուս-ադրբեջանական միջտարածաշրջանային համաժողովին։
Այս ժամի լուրերը՝ տեսանյութում։
