27.07.2026 | 11:32
Թրամփը «որոշակի տարածք» է տալիս Իրանի հետ բանակցություններին․ հարվածները դադարեցվել են
ՌԴ-ի և ԱՄՆ-ի հարաբերությունների խզումը չի բացառվում, բայց դա չի բխում Մոսկվայի շահերից․ ՌԴ փոխարտգործնախարար
Քաղաքականություն
17.11.2022 | 18:45
Ռուսաստանի և ԱՄՆ-ի արտաքին քաղաքական հարաբերությունների խզումը չի բացառվում, բայց դա չի բխում Մոսկվայի շահերից։ Այս մասին RTVI-ին տված հարցազրույցում հայտարարել է ՌԴ փոխարտգործնախարար Սերգեյ Ռյաբկովը։
«Ամբողջովին կախված է այն բանից, թե ինչ ընտրություն կկատարեն Վաշինգտոնում։ Ես նախապես ոչինչ չեմ բացառում, բայց դա, իհարկե, մեր ճանապարհը չէ և մեր քայլը չէ։ Մենք մեր քաղաքականությունը վարում ենք հետևողական, ակտիվ, ոչ ռեակտիվ, այդ թվում՝ ամերիկյան ուղղությամբ՝ առաջնորդվելով բացառապես մեր ազգային շահերով։ Մեր շահերից է բխում չխզել դիվանագիտական հարաբերությունները Վաշինգտոնի հետ»,- ասել է նա՝ պատասխանելով երկու երկրների հարաբերությունների ամբողջական խզման հնարավորության մասին հարցին։
ՌԴ փոխարտգործնախարարը հավելել է, որ երկրների միջև շփում և երկխոսություն է անհրաժեշտ, բայց եթե «ինչ-որ պահի ամերիկացիներն այլ կերպ մտածեն, ապա գործը կավարտվի խզումով»։
Տաթև Ֆռանգյան
