27.07.2026 | 11:45
Լիազորությունները դադարեցված դատավորը վերականգնել է փաստաբանի արտոնագիրը
Ռուսաստանը ռմբակոծում է Դնեպրի մեքենաշինական գործարանը․ Շմիգալ
Քաղաքականություն
17.11.2022 | 15:38
Ուկրաինայի վարչապետ Դենիս Շմիգալի հայտնել է, որ այսօր առավոտյան Ռուսաստանը հարված է հասցրել Դնեպրի հարավում գտնվող մեքենաշինական գործարանին, գրում է BBC-ի ռուսական ծառայությունը։
«Այժմ հրթիռները թռչում են Կիևի վրայով: Ռմբակոծվում է մեր գազի արդյունահանումը, մեր ձեռնարկությունը Դնեպրում՝ «Յուժմաշը»»,- ասել է Շմիգալը Կիևի միջազգային տնտեսական ֆորումում ելույթի ժամանակ։
Ավելի վաղ Կիևի քաղաքային ռազմական վարչությունը հայտնել էր, որ առավոտյան հակաօդային պաշտպանության ուժերը երկու հրթիռ են խոցել Կիևի վրա։ Չեզոքացվել են նաև երկու կամիկաձե անօդաչու թռչող սարքեր Կիևի ջրամբարի վրա։
Կիևում և Դնեպրում օդային տագնապ է հայտարարված։ Լուսադեմին հարված է հասցվել նաև Օդեսայի շրջանին։
Տաթև Ֆռանգյան
