18.12.2025 | 23:24
ՀՀ տարածքում ավտոճանապարհները հիմնականում անցանելի են
Ստամբուլում պայթյուններ են որոտացել․ բնակչության շրջանում խուճապ է․ ՏԵՍԱՆՅՈՒԹ
Քաղաքականություն
16.11.2022 | 13:12
Ստամբուլի Ֆաթիհ թաղամասում պայթյուն է որոտացել, կրակը տարածվել է մի քանի ավտոմեքենաների վրա։ Պայթյունի պատճառը դեռևս պարզ չէ, հաղորդում են տեղական լրատվամիջոցները։
«Ստամբուլի Ֆաթիհ թաղամասում անհայտ պատճառով այրվող ավտոմեքենայից կրակը տարածվել է դեպի կայանված այլ մեքենաներ։ Հրդեհի ժամանակ պայթյունի ձայներ են լսվել»,- հաղորդում է Haberturk-ը։
Yeni Akit-ը գրում է, որ հրդեհի պատճառ է դարձել ոչ թե մեկ, այլ մի քանի պայթյուն։ Բոցը բռնկվել է մեքենայում, այնուհետ տարածվել մյուս մեքենաների վրա։ Յոթ ավտոմեքենա լրջորեն վնասվել է, իսկ պայթյունները խուճապ են առաջացրել բնակչության շրջանում։
Դեպքի վայր ժամանած հրշեջ-փրկարարները մարել են կրակը։ Ոստիկանությունը սկսել է դեպքի հետաքննությունը:
Անցյալ կիրակի էլ Ստամբուլի կենտրոնական Իսթիքլալ պողոտայում պայթյուն էր որոտացել, ինչի հետևանքով 6 մարդ էր զոհվել, 81-ը՝ վիրավորվել: Հարձակման մեջ կասկածվող Ահլամ Ալբաշիրը ձերբակալվել է և, իշխանությունների պնդմամբ, խոստովանել, որ կապեր ունի PKK-ի հետ։ Ներքին գործերի նախարարության տվյալներով՝ հարձակումն իրականացնելու հրահանգը եկել է Սիրիայի սահմանամերձ Քոբանի քաղաքից։
Մանրամասները՝ տեսանյութում։
Տաթև Ֆռանգյան
