05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
2 հրթիռ է ընկել Լեհաստանի տարածքում․ ԼՈւՍԱՆԿԱՐՆԵՐ
Քաղաքականություն
15.11.2022 | 23:10
Ռուսական երկու հրթիռ է ընկել Լեհաստանի Լյուբելսկի վոյևոդությունում Պրժևոդովի ֆերմայում, որը գտնվում է Ուկրաինայի հետ սահմանից 65 կմ հեռավորության վրա։ Այս մասին հայտնում է Тhe Jerusalem Post-ը։ Հաղորդվում է, որ հարվածի հետևանքով զոհվել է երկու մարդ։
Նշվում է նաև, որ Լեհաստանի ռազմաօդային ուժերը կործանիչներ են օդ բարձրացրել Տոմաշով Լյուբելսկու օդանավակայանից։ Բանակի և դատախազության ներկայացուցիչները ժամանել են ֆերմա, որտեղ ավելի վաղ ընկել էին հրթիռները։
Տեղեկություններ են հրապարակվում նաև այն մասին, որ հարվածից տուժել է նաև հարևան Մոլդովան․ հաղորդում է էլեկտրաէներգիայի զանգվածային անջատումների մասին այն բանից հետո, երբ հրթիռների կործանման պատճառով խափանվել է երկրի էլեկտրահաղորդման առանցքային գիծը:
Reuters գործակալությունն էլ հայտնում է, որ Լեհաստանի վարչապետը Ազգային անվտանգության և պաշտպանության հարցերի հանձնաժողովի հրատապ նիստ է հրավիրել։ Կառավարության մամուլի խոսնակ Պյոտր Մյուլլերն այս մասին թվիթերյան գրառում է արել, չնշելով թե որոնք են նիստի օրակարգային հարցերը։ Գործակալությունը չի կարողացել այս թեմայով մեկնաբանություն ստանալ խոսնակից։
