18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Իրանի հետ միջուկային գործարքն այլևս ԱՄՆ-ի ուշադրության կենտրոնում չէ․ դիվանագետ
Քաղաքականություն
15.11.2022 | 16:33
Իրանում բողոքի ցույցերը ճնշելը և Ռուսաստանին անօդաչու թռչող սարքերի վաճառքն ԱՄՆ-ի ուշադրությունը շեղել են Թեհրանի միջուկային ծրագրի շուրջ համաձայնագրի երկարաձգումից։ Այս մասին ասել է Իրանի հարցով Վաշինգտոնի հատուկ ներկայացուցիչը, գրում է VOA-ն:
Փարիզում լրագրողների հետ զրույցում Ռոբերտ Մալլին պնդել է, որ ԱՄՆ-ը բաց կթողնի դռները դիվանագիտական ջանքերը վերսկսելու համար, երբ հարմար պահը լինի, բայց առայժմ Վաշինգտոնը կշարունակի պատժամիջոցների և ճնշումների քաղաքականությունը:
Իրանի և համաշխարհային տերությունների միջև 2015 թվականի գործարքը վերականգնելու շուրջ բանակցությունները փակուղի են մտել սեպտեմբերին: Արևմտյան երկրները մեղադրում են Իրանին չհիմնավորված պահանջներ ներկայացնելու մեջ՝ այն բանից հետո, երբ թվում էր, թե կողմերը մոտ են համաձայնության հասնելուն։
«Եթե այդ բանակցությունները չեն ընթանում, դա պայմանավորված է Իրանի դիրքորոշմամբ և այն ամենով, ինչ տեղի է ունեցել սեպտեմբերից»,- ասել է Մալին:
«Մեր ուշադրությունը ոչ թե համաձայնագրի վրա է, որն առաջ չի շարժվում, այլ այն, ինչ կատարվում է Իրանում՝ ժողովրդական շարժումը և ռեժիմի դաժան ճնշումը ցուցարարների նկատմամբ, ինչպես նաև Ռուսաստանին իրանական ռազմական անօդաչու թռչող սարքերի վաճառքը և մեր պատանդների ազատ արձակումը»,- ասել է նա՝ նկատի ունենալով Իրանում պահվող երեք ամերիկացիներին։
Տաթև Ֆռանգյան
