13.04.2026 | 14:31
ACA․ Էդուարդ Վարդանյանը հաղթել է խեղդող հնարքով․ ՏԵՍԱՆՅՈՒԹ
25-օրյա հավաքներին մասնակցելու դեպքում՝ ԱԺ-ի չինական պատերը կվերանան. Անդրանիկ Քոչարյան․ ՏԵՍԱՆՅՈՒԹ
Քաղաքականություն
15.11.2022 | 12:28
«Կոչ եմ անում խորությամբ ընկալել, թե ինչ փոփոխությունների է բանակը գնում։ Երեկ էլ ես այս կոչն արեցի լրատվամիջոցների ներկայացուցիչներին»,- ՀՀ ազգային ժողովում «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքի նախագծի քննարկման ժամանակ այս մասին հայտարարեց «Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
«Երեկ, երբ որ դուրս էինք գալիս սենյակից, միջանցքում տեսա «չինական պատ»՝ պաշտպանության նախարարի դեմը, օպերատորները շարվել էին բոլորը, արգելափակել էին, ես փորձում էի անհաջող գործողություններ, որպեսզի այդ պաշտպանությունը ճեղքենք, բայց նախարարը ոնց որ թե հաջողությամբ եկավ 214 սենյակ և սկսեցինք քննարկումը։
Իհարկե այդ շղթան սկսվել է 44-օրյա պատերզմից հետո։ Սա այն գիտակցումն է, որ մենք դասեր ենք քաղում պատերազմի արդյունքներից։ Բարեփոխումներ բառն այնքան ենք մաշեցրել, որ ես ռիսկ չեմ անում այդ բառն այլևս օգտագործել։ Սրանք խորքային փոփոխություններ են՝ միտված այն բանակին, որը հեռու կպահի ագրեսիվ գործողությունները մեր սահմանների նկատմամբ։
Սրանից հետո գալու են նոր օրենքների նախագծեր, լրացվելու է այս ամենը՝ կապված աշխարհազորի հետ, բայց ամենակարևորը գործնական առումով եռամսյա հավաքները 25-օրյա ուսումնական հավաքներով փոխարինելն է, որին մասնակից են դառնալու բոլորը։ Այդ բոլորի մեջ արդեն այդ «չինական պատերը» կվերանան։ Կարծում եմ՝ ԱԺ-ն նույնպես կլինի շատ ակտիվ այդ ուսումնական պրոցեսի սկզբից մինչև վերջը, և շարունակաբար»։
Մանրամասները՝ տեսանյութում։
