07.06.2026 | 11:24
Էհ, հանուն Հայաստանի Հանրապետության. Միքայել արքեպիսկոպոս Աջապահյանը քվեարկեց․ ՏԵՍԱՆՅՈՒԹ
Սաակաշվիլիի առողջական վիճակը կքննարկվի բժիշկների կոնսիլիումի կողմից
Քաղաքականություն
14.11.2022 | 22:41
Վրաստանի նախկին նախագահ Միխեիլ Սաակաշվիլիի առողջական վիճակը կքննարկվի բժիշկների կոնսիլիումի կողմից, գրում է Գրուզիա օնլայնը։
Սաակաշվիլիի փաստաբան Շալվա Խաչապուրիձեի խոսքով՝ խորհուրդը պետք է քննարկի ուսումնասիրության արդյունքները, որոնք ավելի վաղ անցկացվել են Թբիլիսիի հանրապետական հիվանդանոցում։ Մասնավորապես, Սաակաշվիլին մագնիսառեզոնանսային տոմոգրաֆիայի (ՄՌՏ) է ենթարկվել։
«Ստացված արդյունքները կհետազոտվեն և կվերլուծվեն բժիշկների կողմից։ Սա հերթական խորհրդակցությունն է, սպասենք, տեսնենք՝ ինչ կլինի։ Շաբաթվա վերջին պետք է լինի Մարիամ Ջիշկարիանիի փորձագիտական խմբի եզրակացությունը, և դրա հիման վրա փաստաբանները կորոշեն, թե ինչ ճանապարհներով դիմել դատարան»,- ասել է Շալվա Խաչապուրիձեն։
Vivamed-ի կլինիկական տնօրեն Զուրաբ Չխեիձեն նոյեմբերի 11-ին հաստատել է, որ Սաակաշվիլին ժամանակավորապես տեղափոխվել է այլ կլինիկա՝ ՄՌՏ հետազոտություն անցնելու համար:
Հարցին՝ ի՞նչ ուսումնասիրություններ են կատարվել Սահակաշվիլիի վերաբերյալ և արդյո՞ք դրանք կապված են տուբերկուլյոզի հետ, Չխեիձեն պատասխանել է, որ ուսումնասիրություններ են կատարվել «ոչ միայն» տուբերկուլյոզի հետ կապված։
Նրա խոսքով՝ Վրաստանի նախկին նախագահը «տեխնիկական պատճառներով» չի կարողացել համապատասխան բուժզննում անցնել Vivamed կլինիկայում։
Տաթև Ֆռանգյան
