16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
ԱՄՆ-ը պատժամիջոցներ կսահմանի Ռուսաստանի համար ռազմական տեխնոլոգիաներ մատակարարողների դեմ
Քաղաքականություն
14.11.2022 | 15:54
ԱՄՆ ֆինանսների նախարար Ջանեթ Յելենը հայտարարել է, որ ԱՄՆ-ը նոր պատժամիջոցներ կսահմանի անդրազգային անհատների և ընկերությունների նկատմամբ, որոնք ներգրավված են եղել Ռուսաստանի համար ռազմական տեխնոլոգիաների գնման և մատակարարման մեջ, ինչն էլ նպաստում է Ուկրաինայում ռազմական գործողությունների շարունակմանը, գրում է VOA-ն:
Յելենը Բալիում G20-ի գագաթնաժողովի շրջանակում լրագրողներին նաև ասել է, որ պատժամիջոցները կվերաբերեն 14 մարդու և 28 կազմակերպությունների, այդ թվում՝ ֆինանսական միջնորդների, սակայն հրաժարվել է ավելի շատ մանրամասներ հաղորդել:
ԱՄՆ-ը նախատեսում է այդ մասին հայտնել երկուշաբթի՝ նոյեմբերի 14-ին, ասել է նա։
«Սա մեր միասնական ջանքերի մի մասն է՝ հակազդելու ռուսական ռազմական գործողություններին և մերժելու հիմնական սարքավորումների հասանելիությունը պատժամիջոցների և արտահանման վերահսկողության միջոցով»,- ասել է Յելենը լրագրողներին:
Տաթև Ֆռանգյան
