07.06.2026 | 11:14
Էլինա Ավանեսյանը պարտվել է կիսաեզրափակիչում
Թուրքիայի իշխանությունները հայտարարել են, որ Ստամբուլի պայթյունի հեղինակը PKK-ի հետ կապված սիրիացի կին է․ ԼՈՒՍԱՆԿԱՐ
Քաղաքականություն
14.11.2022 | 13:29
Ստամբուլի կենտրոնական Իսթիքլալ պողոտայում ահաբեկչությունն իրականացրել է Սիրիայի մի քաղաքացի, որն ուղարկվել է Քոբանի քաղաքից և կապված է Թուրքիայում արգելված Քուրդիստանի աշխատավորական կուսակցության (PKK) հետ։ Այս մասին ասվում է Ստամբուլի անվտանգության վարչության հաղորդագրության մեջ, գրում է ՏԱՍՍ-ը։
«Ձերբակալվածը Սիրիայի քաղաքացի է՝ Ահլամ Ալբաշիրը։ Հարցաքննության ժամանակ խոստովանել է, որ PKK-ի անդամ է»,-ասվում է հայտարարության մեջ։
Ըստ հաղորդագրության՝ նա ասել է, որ պայթյունն իրականացնելու հրամանը, իբր, տրվել է PKK-ի կողմից։ Նաև նշվում է, որ կինը ձերբակալվել է Ստաբուլի Էսենլեր շրջանում, իրականացված գործողության ընթացքում 46 կասկածյալ է ձերբակալվել։
Հավելենք, որ նախօրեին Ստամբուլի Իսթիքլալ պողոտայում տեղի ունեցած պայթյունի հետևանքով մահացել է 6, վիրավորվել՝ 81 մարդ։
Էմմա Չոբանյան
