31.10.2026 | 13:06
Արարատ Միրզոյանը մասնակցել է «Մանամայի երկխոսության» բացման արարողությանը
Ձերբակալվել է Ստամբուլում պայթուցիկ տեղադրելու մեջ կասկածվող անձը
Քաղաքականություն
14.11.2022 | 11:48
Թուրքիայում ոստիկանությունը ձերբակալել է Ստամբուլի Բեյօղլու շրջանում՝ Իսթիքլալ պողոտայում, ռումբ տեղադրելու մեջ կասկածվող անձին, գրում է Անադոլու գործակալությունը։ Այս մասին հայտնել է Թուրքիայի ՆԳ նախարար Սուլեյման Սոլյուն։ Ըստ նախարարի՝ հետաքննությունն ունի ապացույցներ, որ հարձակման հետքերը տանում են դեպի Սիրիա։
«Մեր գնահատականներով հրամանը Քոբանիից է եկել, իսկ հարձակում իրականացնողը եղել է Աֆրինից»,-ասել է Սոյլուն։ Ըստ իշխանությունների՝ նախաքննությունը ունի ապացույցներ, որ պայթյունը կազմակերպել է քրդական ժողովրդավարական միություն կուսակցության ռազմական թևը։ Պայթյունին առնչություն ունենալու կասկածանքով, ընդհանուր առմամբ, 21 մարդ է ձերբակալվել։
Հիշեցնենք, որ նախօրեին Ստամբուլի ամենահայտնի պողոտաներից մեկում՝ Իսթիքլալում պայթյուն էր տեղի ունեցել, որի հետևանքով մահացել էր 6 մարդ, 81-ը՝ վիրավորվել։
Թուրքիայի առողջապահության նախարար Ֆահրեթթին Քոջան հայտնել է, որ 81 տուժածներից 39-ն արդեն դուրս են գրվել բժշկական հաստատություններից։ Հոսպիտալացվածներից 5-ը վերակենդանացման բաժանմունքում են։
Էմմա Չոբանյան
