15.05.2026 | 21:30
Դեմ ենք ԵՏՄ-ից դուրս գալուն․ երկրի վիճակն այնպես կփոխվի, որ ռիսկերը կբերեն տնտեսության փլուզում․ Միքայել Մելքումյան. ՏԵՍԱՆՅՈՒԹ
Երևանի Բաբաջանյան փողոցում մեքենան բախվել է բենզալցակայանին
13.11.2022 | 20:34
Նոյեմբերի 13-ին՝ ժամը 19։16-ին, Ճգնաժամային կառավարման ազգային կենտրոն ահազանգ է ստացվել, որ Երևանի Ավան վարչական շրջանում գտնվող «Երևան Սիթի» սուպերմարկետի մոտակայքում տեղի է ունեցել ՃՏՊ․ ավտոմեքենան բախվել է բենզալցակայանին, առկա է վառելիքի արտահոսք։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Ինչպես տեղեկացնում են ՀՀ ԱԻՆ-ից՝ պարզվել է, որ «Nissan Teana» մակնիշի ավտոմեքենան բախվել է Բաբաջանյան փողոցում գտնվող «CPS» բենզալցակայանի լիցքավորման կայանին. կայանից առկա է վառելիքի արտահոսք (բենզին), տուժածներ չկան:
Փրկարարները հոսանքազրկել են ավտոմեքենան, դադարեցրել կայանից առկա վառելիքի արտահոսքը և կատարել ճանապարհի լվացման աշխատանքներ:
