12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Տնտեսական աճը քաղաքացիներն իրենց մաշկի վրա զգում են. վարչապետ․ ՏԵՍԱՆՅՈւԹ
Տնտեսություն
11.11.2022 | 23:10
«Կարծում եմ՝ մենք վարում ենք ճիշտ տնտեսական քաղաքականություն, և այդ քաղաքականության արգասիք է այն աննախադեպ տնտեսական աճը, որ Հայաստանն ունի»,- այս մասին Հանրային հեռուստատեսության եթերում նշեց ՀՀ վարչապետ Նիկոլ Փաշինյանը։
Հարցին, թե արդյոք քաղաքացիները կզգան այդ տնտեսական աճն իրենց մաշկի վրա, վարչապետը պատասխանեց. «Այսօր էլ քաղաքացիները այդ աճն զգում են: Իհարկե, գնաճի հետ կապված խնդիր ունենք, բայց արդեն աշխատատեղերի նոր ռեկորդ ենք սահմանել, աշխատավարձի 16 տոկոս բարձրացում է եղել, կենսաթոշակները բարձրացրել ենք․․․ Սուբվենցիոն ծրագրերին տրամադրվելու է 22 միլիարդ դրամ, դա էլ է քաղաքացին զգալու իր մաշկի վրա։ Այս տարի 41 միլիարդ դրամ եկամտահարկ ենք վերադարձրել, որով քաղաքացիները բնակարան են գնել։ Գործազրկության մակարդակն աննախադեպ ցածր է։
Եթե մեզ հաջողվի ապահովել մեր կանխատեսած 7 տոկոս տնտեսական աճը, իրադրությունն էլ ավելի կբարելավվի։
Հաջորդ տարվա բյուջեն լինելու է աննախադեպ, այս տարվա բյուջեն էլ է աննախադեպ։ Սակայն ամեն ինչ վարդագույն չէ, որովհետև մենք գիտենք, որ գործ ունենք ահռելի գնաճի հետ, որը հայաստանյան երևույթ չէ: Ընդհակառակը, արդեն միջազգային զեկույցներ կան, որ տարածաշրջանում ՀՀ-ում գնաճը թերևս ամենացածրն է կամ ամենացածրերից մեկը։
Մեր մեծագույն պրոբլեմը գնաճն է, որը գլոբալ երևույթ է, և անվտանգային միջավայրի հետ կապված հարցերը, որոնք այսօր ավելի շատ են հուզում մարդկանց»։
Մանրամասները՝ տեսանյութում։
