20.02.2026 | 20:13
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
Խաղաղության պայմանագրի մի քանի տարբերակ կա. Փաշինյան. ՏԵՍԱՆՅՈւԹ
Քաղաքականություն
11.11.2022 | 21:33
«Մենք ամեն ինչ կանենք, որ մինչև տարվա վերջ կնքվի խաղաղության պայմանագիրը»,- Հանրային հեռուստաընկերության եթերում այս մասին հայտարարեց ՀՀ վարչապետ Նիկոլ Փաշինյանը:
«Խաղաղության պայմանագրի մի քանի տարբերակներ կան,- ընդգծեց Փաշինյանը,- օրինակ՝ կա տարբերակ՝ ստորագրել շրջանակային համաձայնագիր, որն ընդհանուր շրջանակն է գծագրում հարաբերությունների և չի հասցեագրում բոլոր հնարավոր հարցերը։ Եթե այսպիսի տարբերակով Ադրբեջանի համար ընդունելի լինի առաջ գնալ, հնարավոր է, որ կարողանանք»։
Վարչապետի դիտարկմամբ՝ խաղաղության պայմանագրի ուժի մեջ մտնելուց առաջ պետք է դելիմիտացիայի գործընթացը ավարտված լինի:
«Սա ինչ նրբություն ունի. կարող է մենք խաղաղության պայմանագիր ստորագրենք, և Ադրբեջանը շարունակի տարածքային նկրտումներ ներկայացնել Հայաստանի նկատմամբ, դրա համար ասում ենք, որ նախ պետք է սահմանների հստակեցում լինի», – նշեց Փաշինյանը:
Նա նաև հավելեց, որ կա նաև խաղաղության պայմանագրի ոչ շրջանակային համաձայնագրի տարբերակ։
Մանրամասները` տեսանյութում:
