21.04.2026 | 13:24
Հոդվածում նշված տեղեկությունները իրականության հետ կապ չունեն․ վարչապետի խոսնակը՝ Փաշինյանի դստեր հետ կապված հրապարակման մասին
Փաշինյանը բացահայտեց՝ զորքերը հետ քաշելու ինչ առաջարկ է արվել Ադրբեջանին․ ՏԵՍԱՆՅՈւԹ
Քաղաքականություն
11.11.2022 | 21:13
«Մենք ասում ենք, որ եթե սահմանները փոխադարձաբար ճանաչված են, ապա ի՞նչ են անում ադրբեջանական զորքերը Վերին Շորժայի մոտակայքում, Ջերմուկի մոտակայքում, Սև լճի հարավային ափի մոտակայքում և այդպքես շարունակ։ Այդ իսկ պատճառով մենք առաջարկում ենք զորքերը փոխադարձաբար դուրս բերել, և փոխարենը հսկողությունը փոխանցել Հայաստանի և Ադրբեջանի սահմանապահներին»,- այս մասին Հանրային հեռուստաընկերությանը տված հարցազրույցում նշեց վարչապետ Նիկոլ Փաշինյանը։
Նա նաև հայտարարեց սահմանին ապառազմականացված գոտի ստեղծելու անհրաժեշտության մասին։ Խոսքը զորքերը փոխադարձաբար դուրս բերելու և երեք կիլոմետր լայնությամբ ապառազմականացման գոտի ստեղծելու մասին է։
Վարչապետի խոսքով՝ այս քայլը կնպաստի իրավիճակի կայունացմանը և կլինի 1991 թվականի սահմանների փոխճանաչման տրամաբանական շարունակությունը։
Փաշինյանն ընդգծեց, որ շատ կարևոր է նաև մոնիթորինգի մեխանիզմը, որը հնարավորություն կտա վերահսկել պայմանավորվածությունների կատարումը։
Այս համատեքստում Փաշինյանը նշեց, որ ի սկզբանե Երևանն առաջարկել է մոնիթորինգի գործառույթները փոխանցել ռուսական կողմին,Ադրբեջանը չի համաձայնել, հիմա Հայաստանն առաջարկում է մոնիթորինգի մեխանիզմը փոխանցել կա՛մ Ռուսաստանին, կա՛մ ՀԱՊԿ–ին , կա՛մ ԵԱՀԿ–ին, կա՛մ ԵՄ–ին, կա՛մ ՄԱԿ–ին։ Ամեն դեպքում, ըստ նրա, խաղաղության երաշխավորներ են պետք, և այդ երաշխավորները պետք է կարող ուժեր լինեն, հակառակ դեպքում խաղաղության պայմաագիրը ոչ մի արժեք չի ունենա։
Մանրամասները՝ տեսանյութում։
