20.02.2026 | 15:21
Նեյմարը չի բացառել, որ կավարտի կարիերան այս տարի
Բաքվի նյարդային արձագանքը Փաշինյանի ելույթին, ԵՄ-ի կոչը ՀՀ-ին ու Ադրբեջանին․ Լուրեր
11.11.2022 | 18:40
- Հայ-ադրբեջանական սահմանագոտու արևելյան հատվածում տեղակայված մարտական դիրքում երեկ հակառակորդի կրակոցից հրազենային վիրավորում ստացած ՊՆ N զորամասի զինծառայող, շարքային Պ. Խ.-ն վիրահատվել է, նրա կյանքին վտանգ չի սպառնում․ Factor TV-ին այս մասին հայտնել է ՊՆ խոսնակ Արամ Թորոսյնաը։
- ԿԸՀ-ն հաստատել է 2023-ի ՏԻՄ հերթական ընտրությունների օրերը․ ըստ այդմ՝ ՏԻՄ հերթական ընտրությունների օրեր են սահմանվել 2023 թվականի մարտի 26-ը, հունիսի 11-ը և հոկտեմբերի 29-ը։
- Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի նախօրեին Կառավարության նիստում արված ելույթին։ Ադրբեջանական լրատվականների հաղորդմամբ՝ ԱԳՆ նոր խոսնակը հայտարարել է, թե Հայաստանի վարչապետն, իբր, խեղաթյուրում է օկուպացված Շուշիից հնչեցված Ադրբեջանի նախագահ Իլհամ Ալիևի հայտարարությունները։ Նա դժգոհել է, թե «Փաշինյանն իր հայտարարություններով տպավորություն է ստեղծում, որ Ադրբեջանը չի կատարում իր պարտավորությունները»։ ԱԳՆ խոսնակը Փաշինյանի հայտարարություններն այն մասին, որ Ադրբեջանը մտադիր է փակել Լաչինի միջանցքը, գնահատել է «տարածաշրջանում իրավիճակի միտումնավոր սրման փորձ»։ Ստացվում է՝ Ադրբեջանի ԱԳՆ նոր խոսնակը կամ տեղյակ չէ Իլհամ Ալիևի՝ Շուշիում հնչեցրած վերջին հայտարարություններից, որոնցում սպառնում էր փակել Լաչինի միջանցքը, կամ միտումնավոր խեղաթյուրում է դրանք։
Այս ժամի լուրերը՝ տեսանյութում։
