09.10.2026 | 15:51
Միկել Արտետան դարձել է երկրորդ ամենաբարձր վարձատրվող մարզիչն աշխարհում
ԱՄՆ-ը Ռուսաստանին զրկել է շուկայական տնտեսություն ունեցող երկրի կարգավիճակից
Քաղաքականություն
11.11.2022 | 15:57
ԱՄՆ Առևտրի նախարարությունը հայտարարել է, որ Ռուսաստանին այլևս չի համարում շուկայական տնտեսություն ունեցող երկիր։ Գերատեսչությունում դա հիմնավորել են տնտեսության մեջ ռուսական պետության կողմից նկատվող «լայնածավալ» միջամտությամբ։
«Այս որոշումը Միացյալ Նահանգներին հնարավորություն է տալիս օգտագործել ԱՄՆ-ի հակադեմփինգային օրենքների ամբողջ ուժը՝ շուկայի խեղաթյուրումների դեմ պայքարելու համար, որոնք առաջացել են իր տնտեսության մեջ Ռուսաստանի կառավարության աճող միջամտությունից»,- ԱՄՆ Առևտրի նախարարության հայտարարությունն է մեջբերում Reuters-ը։
Ռուսաստանցի արտահանողների համար կարևոր էր շուկայական տնտեսություն ունեցող երկրի կարգավիճակը, քանի որ ԱՄՆ իշխանությունների համար դժվարացնում էր նրանց նկատմամբ հակադեմփինգային միջոցների կիրառումը, մասնավորապես՝ տուրքերը։ Երկիրը, որի տնտեսությունը Վաշինգտոնը ճանաչում է որպես շուկայական տնտեսություն, կարող է վիճարկել իր դեմ նման միջոցների կիրառումը՝ ապացուցելով, որ իր արտահանման գները սահմանվում են շուկայական սկզբունքներով, հետևաբար՝ դեմփինգ չեն հանդիսանում:
ԱՄՆ-ը Ռուսաստանը ճանաչել է որպես շուկայական տնտեսություն 2002 թվականին։ Սա կարևոր քայլ էր 10 տարի անց Առևտրի համաշխարհային կազմակերպությանը (ԱՀԿ) Ռուսաստանի անդամակցության ճանապարհին։
Տաթև Ֆռանգյան
