05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
ԲԱՆԱՎԵՃ. Ցեղասպանության ճանաչումը չպիտի՞ լինի ՀՀ թիվ 1 արտաքին օրակարգը. Թուրքիայի հետ շփման լեզուն
Քաղաքականություն
05.11.2024 | 21:30
«Հայոց ցեղասպանության միջազգային ճանաչումը Հայաստանի թիվ մեկ արտաքին քաղաքական առաջնահերթությունը չէ»,- անցած շաբաթ հայտարարել էր ՀՀ ԱԳ նախարար Արարատ Միրզոյանը: Հարցը նախարարին ուղղվել էր ԱԺ հանձնաժողովների համատեղ նիստում 2025-ի բյուջեի նախագծի քննարկմանը։ Ընդդիմադիր «Հայաստան» խմբակցության դաշնակցական պատգամավոր Արմեն Ռուստամյանը հետաքրքրվել էր․ «Հայոց ցեղասպանության միջազգային ճանաչման հարց Արտգործնախարարության օրակարգի վրա գոյություն ունի՞, թե՞ ոչ»։ Նախարար Արարատ Միրզոյանը պատասխանել էր. «Հայոց ցեղասպանության միջազգային ճանաչման շուրջ, ինչպես կարող եք ենթադրել նրանից, որ ես առաջնահերթությունները թվարկելիս առանձին դրան չանդրադարձա, դա մեր թիվ մեկ առաջնահերթությունը չի։ Պատմության ողբերգական անցքերը, Հայոց ցեղասպանությունը ուսումնասիրելը կամ դա թիվ մեկ առաջնահերթություն դարձնելն, անշուշտ, Արտաքին գործերի նախարարության օրակարգը չի»:
Ի՞նչ է նշանակում նախարարի հայտարարությունը, ինչո՞ւ ի տարբերություն նախորդ իշխանությունների՝ Նիկոլ Փաշինյանի կառավարությունը ցեղասպանության միջազգային ճանաչումը Հայաստանի թիվ մեկ արտաքին քաղաքական առաջնահերթությունը չի համարում։
Այս թեմայով Factor TV-ի տաղավարում բանավիճում են Վրաստանում բնակվող միջազգային հարցերով փորձագետ Գիորգի Թումասյանը և ԱԺԲ-ի աջակից Գևորգ Կարապետյանը։
Ռոբերտ Անանյան
