Չինաստանը, Հնդկաստանը և Թուրքիան կտրուկ կրճատել են ռուսական ածխի գնման ծավալները

Չինաստանը, Հնդկաստանը և Թուրքիան, որոնք ԵՄ էմբարգոյից հետո դարձել են ռուսական ածխի ամենախոշոր գնորդները, տարեսկզբից կտրուկ նվազեցրել են Ռուսաստանից գնման ծավալները։ «Վեդոմոստի»-ին այս մասին հայտնել են Էներգետիկայի նախարարության վիճակագրությանը ծանոթ երկու աղբյուրներ։

Նրանց համաձայն՝ 2024 թվականի հունվար-սեպտեմբերին Չինաստան արտահանումը տարեկան կտրվածքով կրճատվել է 9,5%-ով՝ հասնելով 53,7 մլն տոննայի, Հնդկաստան արտահանումը՝ 23%-ով՝ մինչև 20,1 մլն տոննա, իսկ դեպի Թուրքիա՝ 35%-ով՝ մինչև 15,3 միլիոն տոննա։ Զգալիորեն նվազել է նաև արտահանումը դեպի Հարավային Կորեա (տարեկան 1,6 անգամ՝ մինչև 5 մլն տոննա) և Ճապոնիա (9,3 անգամ՝ մինչև 385,600 տոննա):

Ռուսական ածխի առաքումները ԱՄԷ ինը ամիսների ընթացքում, 2023 թվականի նույն ժամանակահատվածի համեմատ, նվազել են 20 տոկոսով՝ մինչև 3,1 միլիոն տոննա։

Ընդ որում, արտահանումը զգալիորեն աճել է դեպի Վիետնամ (4,7 անգամ՝ մինչև 1,1 մլն տոննա) և Հոնկոնգ (10%-ով՝ մինչև 10,4 մլն տոննա)։

Հարևան երկրներից Բելառուսն ավելացրել է ածխի ներմուծումը Ռուսաստանից՝ 17 անգամ՝ հասցնելով 5,7 մլն տոննայի, Ղազախստան առաքումներն աճել են 33%-ով՝ մինչև 452,900 տոննա, և Աբխազիա՝ 3,4 անգամ։

Ռուսաստանից ածխի ընդհանուր արտահանումը հունվար-սեպտեմբերին տարեկան կտրվածքով կրճատվել է 14%-ով և կազմել 132,5 մլն տոննա։ Ջերմային ածխի արտահանումը կազմել է 108,3 մլն տոննա, ինչը 17%-ով պակաս է նախորդ տարվա նույն ժամանակահատվածի համեմատ։

Թարգմանությունը՝ Տաթև Ֆռանգյանի