19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
ԱՄՆ-ը չի վարանի լրացուցիչ միջոցներ ձեռնարկել Վրաստանի դեմ․ Միլլեր
Քաղաքականություն
05.11.2024 | 21:16
ԱՄՆ Պետքարտուղարության խոսնակ Մեթյու Միլլերը նոյեմբերի 4-ին կայացած ճեպազրույցում ասել է, որ Վաշինգտոնն աջակցում է Վրաստանի ժողովրդին և եվրաատլանտյան ինտեգրման նրանց ձգտումներին ու չի վարանի լրացուցիչ միջոցներ ձեռնարկել՝ ի պատասխան «Վրացական երազանքի» ոչ ժողովրդավարական քայլերի, փոխանցում է Գրուզիա օնլայնը։
Միլլերը ևս մեկ անգամ ընդգծել է ԱՄՆ Պետքարտուղարության քայլերը՝ ի պատասխան Վրաստանի իշխանությունների գործողությունների։
«Ինչպես գիտեք՝ մենք վերանայման գործընթացում ենք։ Զգալի չափի օգնությունը, որը մենք տրամադրում ենք Վրաստանի կառավարությանը, կասեցրել ենք 95 միլիոն դոլարի օգնությունը։ Մենք կշարունակենք գնահատել՝ արդյո՞ք անհրաժեշտ են լրացուցիչ միջոցներ, և եթե այո, մենք չենք խուսափի դրանք ձեռնարկել»,- ասել է Միլլերը:
Նա հավելել է, որ այս պահին ոչինչ չունի ասելու, թե ինչ լրացուցիչ պատժամիջոցներ կարող է սահմանել Միացյալ Նահանգները։
Մինչ օրս Վրաստանում հոկտեմբերի 26-ին կայացած խորհրդարանական ընտրությունների արդյունքները ճանաչել են միայն մի քանի երկրներ, այդ թվում՝ Հայաստանը, Ադրբեջանը, Թուրքիան, Հունգարիան, Իրանը և Չինաստանը։
Թարգմանությունը՝ Տաթև Ֆռանգյանի
