30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Վալենսիան 31,4 միլիարդ եվրո է պահանջում կենտրոնական իշխանություններից ջրհեղեղից տուժածների համար
Քաղաքականություն
05.11.2024 | 20:40
Իսպանիայի ինքնավար Վալենսիայի շրջանի կառավարությունը դաշնային իշխանություններից 31,4 միլիարդ եվրո կպահանջի՝ տարածաշրջանում հեղեղումների հետևանքները վերացնելու համար, հայտարարել է ինքնավարության ղեկավար Կառլոս Մեյսոնը։
Իսպանիայի կառավարությունը պետք է հայտարարի իր առաջին օգնության փաթեթի մասին: Այն կներառի ջրհեղեղից տուժածների եկամտահարկի մորատորիում, նշում է Bloomberg-ը։
Հոկտեմբերի 29-ին Իսպանիայի արևելյան և հարավային շրջաններում հորդառատ անձրևներ են տեղացել: Մի քանի ժամվա ընթացքում Վալենսիայում 1 քառակուսի մետրին շուրջ 300 մլ անձրև է բաժին ընկել։ Ջրհեղեղի հետևանքով, վերջին տվյալներով, զոհվել է 217 մարդ, և այս թիվը, ըստ իշխանությունների, կշարունակի աճել, քանի որ շրջանի բազմաթիվ բնակիչներ անհետ կորած են։
Իսպանիայի վարչապետ Պեդրո Սանչեսն ավելի վաղ հայտարարել էր, որ դեռ վաղ է ջրհեղեղի պատճառած վնասի չափը գնահատել: Early Morningstar-ը գնահատում է, որ ապահովագրված վնասը «շատ կգերազանցի» 1 միլիարդ եվրոն:
Թարգմանությունը՝ Տաթև Ֆռանգյանի
