05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ղազախստանը հաջորդ տարվանից կսկսի Բաքու-Թբիլիսի-Ջեհյան նավթամուղով նավթի մատակարարումը
Քաղաքականություն
10.11.2022 | 21:17
Ղազախստանը նավթի արտահանման դիվերսիֆիկացման հատուկ ճանապարհային քարտեզ է մշակել։ Այս մասին Սենատի լիագումար նիստից հետո տեղի ունեցած ճեպազրույցում հայտարարել է վարչապետ Ալիխան Սմաիլովը, գրում է kapital.kz-ը։
«Դա ուղղությունն է Ակտաուի նավահանգստից Բաքու և այնտեղից էլ՝ Բաքու-Թբիլիսի-Ջեհյան նավթամուղով»,- ասել է Սմաիլովը՝ պատասխանելով լրագրողների հարցերին։
Նա նաև հավելել է, որ ղազախական նավթը կարող է փոխադրվել նաև Բաքվի նավահանգստով Բաքու-Սուփսա և Բաքու-Բաթում նավթատարներով։ Բացի այդ, կա նաև երկաթուղային ուղղությունը Ատիրաուից Բաթումի և Ուզբեկստան, կա նաև չինական ուղղությունը։
«Մասնավորապես, Բաքու-Թբիլիսի-Ջեհյանով մենք ունենք պայմանավորվածություն՝ հաջորդ տարվանից 1,5 մլն նավթի առաքման մասին այդ ուղղությամբ։ Մշակվում է բեռնափոխադրումների հետագա աճի հնարավորությունը՝ մինչև 6-6,5 մլն տոննա»,- ասել է Սմայիլովը։
Էմմա Չոբանյան
