05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Իրանն ավարտել է առաջին գերձայնային բալիստիկ հրթիռի մշակումը
Քաղաքականություն
10.11.2022 | 16:12
Իրանն ավարտել է առաջին գերձայնային բալիստիկ հրթիռի մշակումը: Այս մասին հայտարարել է Իսլամական հեղափոխության պահապանների կորպուսի (ԻՀՊԿ) օդատիեզերական ուժերի հրամանատար, գեներալ Ամիր Ալի Հաջիզադեն, գրում է Fars գործակալությունը։
«Իրանը մշակել է գերձայնային բալիստիկ հրթիռ՝ հակաօդային պաշտպանության համակարգին դիմակայելու համար: Այս նոր հրթիռը կանցնի հակահրթիռային պաշտպանության բոլոր համակարգերով, և չեմ կարծում, որ կգտնվեն տեխնոլոգիաներ, որոնք կարող են պայքարել դրա դեմ տասնամյակներ շարունակ»,- ասել է նա:
Հաջիզադեն վստահեցրել է, որ սա «մեծ թռիչք է հրթիռային տեխնոլոգիայի զարգացման գործում»։
Հիշեցնենք, որ անցած շաբաթ Իրանը ներկայացրել է «Բավար-373» հեռահար հակաօդային պաշտպանության համակարգը։ Այս համալիրը կարող է խոցել օդային թիրախները ավելի քան 300 կիլոմետր հեռավորության վրա։
Տաթև Ֆռանգյան
