16.09.2026 | 12:52
Ալեն Սիմոնյանն ընդունել է Հայաստանում Վրաստանի դեսպանին
Զելենսկին՝ Խերսոնից ռուսական զորքերի դուրսբերման մասին. «Թշնամին մեզ նվերներ չի տալիս»
Քաղաքականություն
10.11.2022 | 16:28
Ուկրաինայի նախագահ Վլադիմիր Զելենսկին կոչ է արել պատերազմի ժամանակ գրաված միակ մարզային կենտրոնից՝ Խերսոնից զորքերը դուրս բերելու մասին Ռուսաստանի որոշումը զուսպ էմոցիաներով ընդունել, գրում է BBC-ի ռուսական ծառայությունը։
Ուկրաինայի նախագահը նշել է, որ «ոչ ոք պարզապես ոչ մի տեղից չի գնում, եթե ուժ չի զգում»։
«Թշնամին մեզ նվերներ չի տալիս, բարի կամքի ժեստեր չի անում։ Մենք պայքարում ենք այդ ամենի համար։ Իսկ երբ կռվում ես, պետք է հասկանաս, որ յուրաքանչյուր քայլ ուղեկցվում է թշնամու դիմադրությամբ, դա միշտ մեր հերոսների կյանքի կորուստն է։ Ուստի մենք շարժվում ենք շատ զգույշ՝ առանց էմոցիաների, առանց ավելորդ ռիսկի»,- ասել է Ուկրաինայի նախագահ Վլադիմիր Զելենսկին։
Ավելի վաղ Զելենսկիի խորհրդական Միխայիլ Պոդոլյակը հորդորել էր հավատալ ոչ թե հայտարարություններին, այլ դատել իրական իրավիճակից ելնելով, և ընդգծել, որ «առայժմ ոչ մի նախանշան չկա, որ Ռուսաստանը հեռանում է առանց կռվի»։
Զորքերը դուրս բերելու որոշման մասին ՌԴ ՊՆ ղեկավար Սերգեյ Շոյգուն հայտարարել է ռուսական ուժերի միացյալ խմբի հրամանատար Սերգեյ Սուրովիկինի զեկույցից հետո։ Շոյգուն ընդգծել է, որ «ռուս զինծառայողների կյանքն ու առողջությունը միշտ առաջնահերթ են»։
Տաթև Ֆռանգյան
