25.11.2024 | 14:15
Երևանում 3 օր տեղումներ են սպասվում․ ջերմաստիճանը կնվազի 6-10 աստիճանով
Պոլիկլինիկաներում հերթերը, դեղատոմսերը, անկետաները կթվայնացվեն. ԱՆ փոխնախարար․ ՏԵՍԱՆՅՈՒԹ
09.11.2022 | 12:49
ՀՀ առողջապահության նախարարի տեղակալ Արտակ Ջումայանը «Առողջության առաջնային պահպանման օղակում իրականացվող բարեփոխումները» թեմայով այսօր հրավիրված ասուլիսում անդրադարձավ առողջապահության համակարգում ներդրված կարևորագույն նորարություններին։
Նրա հավաստմամբ՝ մեծ աշխատանք է իրականացվում էլեկտրոնային առողջապահության ներդրման ուղղությամբ․ «Հերթերի կառավարումը, փաստաթղթաշրջանառությունը, մատյանների անաշխատունակության թերթիկի և դեղատոմսի տրամադրման թվայնացում է իրականացվում։
Կենտրոնական գնումներով դուրս գրվող դեղորաքը արդեն իսկ տրամադրվում է միայն էլեկտրոնային դեղատոմսով, վերջին 2 ամսվա ընթացքում դուրս գրված էլեկտրոնային դեղատոմսերի թիվը անցել է 60 հազարից»,- նշեց փոխնախարարը։
Նրա խոսքով՝ նախատեսվում է առողջության առաջնային պահպանման օղակի աշխատակիցների աշխատավարձի բարձրացում՝ բոնուսային եղանակով․ գնահատվելու է աշխատանքային պարտականությունների կատարումը՝ և՛ քանակը և՛ որակը։
Մանրամասները՝ տեսանյութում։
