29.04.2026 | 21:13
Մերցը պնդում է, որ Թրամփի հետ իր հարաբերությունները «մնում են լավ», չնայած ԱՄՆ նախագահի քննադատությանը
Ռուսաստանը սպառել է իր ժամանակակից հրթիռների մոտ 80%-ը․ Economist
Քաղաքականություն
07.11.2022 | 16:00
Ուկրաինայի դեմ պատերազմում Ռուսաստանի Դաշնությունն արդեն օգտագործել է իր ժամանակակից հրթիռների 80%-ը, Ռուսաստանին մոտ 120 «Իսկանդեր» բալիստիկ հրթիռ է մնացել։ Այս մասին The Economist-ին տված մեկնաբանությունում հայտնել է Ուկրաինայի Պաշտպանության նախարարության գլխավոր հետախուզական վարչության ներկայացուցիչ Վադիմ Սկիբիցկին։
Նա նշել է, որ հոկտեմբերին ռուսները «Իսկանդերի» 25 հրթիռ են արձակել Ուկրաինայում, իսկ Ուկրաինայի Զինված ուժերը կարողացել են խոցել միայն երեքը։
Սկիբիցկին հաշվարկել է, որ Ռուսաստանին մնացել է «Իսկանդերի» ընդամենը 120 հրթիռ։ Սրա հետ մեկտեղ, այլ աղբյուրներ պնդում են, որ «Կինժալ» տեսակի հրթիռների թիվը մոտ 40 է։
Նշվում է, որ քանի որ Ռուսաստանի Դաշնության պաշարները համալրվում են իրանականներով, ՌԴ-ն կարող է կրկնապատկել հարձակումները։
Կրեմլը նախատեսում է Իրանից գնել «Ֆաթեհ-110» և «Զոլֆաղար» բալիստիկ հրթիռներ և դրանք օդային ճանապարհով ուղարկել Ղրիմ, իսկ ծովով՝ Կասպից ծովի ռուսական նավահանգիստներ, հայտնում է Ուկրաինայի գլխավոր հետախուզական վարչությունը։
Ուկրաինացի պաշտոնյաները խոստովանում են, որ Ուկրաինան դեռևս չունի արդյունավետ պաշտպանություն իրանական հրթիռներից, որոնք թիրախները խոցում են շատ ավելի մեծ արագությամբ, քան թևավոր հրթիռները կամ անօդաչու թռչող սարքերը, ինչպես նաև «Իսկանդեր» և «Կինժալ» հրթիռների դեմ:
Ավելի վաղ ուկրաինական հետախուզությունը հայտնել էր, որ Իրանը ծրագրում է նոյեմբերի սկզբին Ռուսաստան ուղարկել ավելի քան 200 մարտական անօդաչու թռչող սարք։
Տաթև Ֆռանգյան
