13.04.2026 | 20:22
Մրցաշրջանի ամենագեղեցիկ գոլերից մեկը՝ ռաբոնա հարվածով․ ՏԵՍԱՆՅՈՒԹ
Մետրոյի նոր կայարանի կառուցումը 2023-ին չի լինի. քաղաքապետ․ ՏԵՍԱՆՅՈՒԹ
Տնտեսություն
07.11.2022 | 11:36
Աջափնյակում մետրոյի կայարան կառուցելու աշխատանքները նախագծման փուլում են, վերջնական փուլը պատրաստ կլինի 2023 թ. հունիս-հուլիս ամիսներին։ ԱԺ-ում լրագրողների հետ ճեպազրույցում այս մասին նշեց Երևանի քաղաքապետ Հրաչյա Սարգսյանը՝ հավելելով, որ մետրոյի նոր կայարանի կառուցումը 2023-ին չի լինի։
«Դրանից հետո արդեն պետք է մրցույթ հայտարարվի մետրոյի կայարանի կառուցման համար։ Չեմ կարծում, որ 2023 թվականից կսկսեն կառուցել կայարանը, կհասկանանք, թե ինչ ֆինանսական միջոցներով է կառուցումը լինելու, որ միջազգային կազմակերպություններից ենք վերցնելու, թե սեփական միջոցներով ենք իրականացնելու», – ասաց քաղաքապետը՝ հավելելով, որ երևի միջազգային կազմակերպությունների ֆինանսական միջոցներով կիրականացվի, քանի որ էներգախնայողության բաղադրիչներ կան ծրագրում և այդտեղ հնարավոր կլինի դրամաշնորհներ ներգրավել։
Սարգսյանը հավելեց, որ Երևան համայնքի բյուջեի միջոցներից 800 մլն դրամ է հատկացվել, որպեսզի նախագծման աշխատանքները սկսեն. «2023 թվականի բյուջեով արդեն 1 մլրդ 100 մլն դրամի շրջանակներում նախատեսված է, որպեսզի նախագծման աշխատանքների համար գումարը վճարենք»։
Մանրամասները՝ տեսանյութում։
