21.04.2026 | 10:28
Ադրբեջանն այսօր դիզվառելիքի ևս մեկ խմբաքանակ կուղարկի Հայաստան
Վերջին ութ տարիները դարձել են ամենաշոգը դիտարկումների ողջ պատմության ընթացքում
Քաղաքականություն
06.11.2022 | 19:47
Համաշխարհային օդերևութաբանական կազմակերպությունը վերջին ութ տարիներն ամենաշոգն է ճանաչել օդերևութաբանական դիտարկումների սկսվելուց ի վեր, փոխանցում է Interfax-ի ռուսական ծառայությունը՝ վկայակոչելով ՄԱԿ-ի այդ կառույցի զեկույցը:
Զեկույցում նշվում է, որ 2022 թվականին աշխարհի միջին ջերմաստիճանը մոտ 1,15 աստիճանով ավելի բարձր կլինի, քան նախաարդյունաբերական շրջանում (1850-1900)։
Սա նշանակում է, որ 2016 թվականից սկսած ամեն տարի ռեկորդային շոգ է եղել։ Արդյունքում, գլոբալ նպատակը՝ սահմանափակել գլոբալ տաքացումը մինչև 1,5 աստիճան Ցելսիուս, դժվար թե իրագործելի լինի:
Փորձագետները նշում են, որ մթնոլորտ ջերմոցային գազերի արտանետումները հանգեցրել են Համաշխարհային օվկիանոսի մակարդակի բարձրացմանը և սառույցների հալչելուն, ինչի հետևանքով ծայրահեղ եղանակ են արձանագրել աշխարհի տարբեր մասերում՝ Պակիստանից մինչև Պուերտո Ռիկո։ Գրենլանդիայում ՝ ծովի մակարդակից 3,2 հազար մետր բարձրության վրա, առաջին անգամ անձրև է տեղացել:
Զեկույցի հրապարակումը նվիրված է կլիմայի փոփոխության վերաբերյալ ՄԱԿ-ի համաժողովին, որը բացվել է Շարմ Էլ Շեյխում (Եգիպտոս):
