20.02.2026 | 13:03
Թրամփը Պենտագոնին կհանձնարարի հրապարակել ՉԹՕ-ների վերաբերյալ ֆայլերը
Այսօր կմատուցվի Ճրագալույցի Սուրբ պատարագ
Մշակույթ
05.01.2025 | 15:30
Այսօր Ճրագալույց է։ Հայաստանյան եկեղեցիներում Ժամը 17:00-ին կկատարվի երեկոյան ժամերգություն և Ճրագալույցի Սուրբ պատարագ։
Սուրբ Ծննդյանը, ինչպես նաև Սուրբ Զատկին նախորդող օրը կոչվում է Ճրագալույց, որը նշանակում է ճրագ լուցանել, այսինքն՝ վառել: Այն խորհրդանշում է աստվածային լույսը, եկեղեցու օրհնությունը, ինչպես նաև բեթղեհեմյան աստղի լույսը, որն առաջնորդեց մոգերին դեպի Հիսուս մանուկը:
Այդ օրերին, ըստ հատուկ արարողակարգի, վառում են տաճարի ջահերն ու կանթեղները և վառվող մոմեր բաժանում ժողովրդին, որից հետո մատուցվում է Ս. Պատարագ: Սուրբ պատարագով ավարտվում է դեկտեմբերի 30-ին սկսված պահքը և սկսվում է Սուրբ ծննդյան տոնը։ Մարդիկ, մոմերը տուն տանելով, ավետում են Քրիստոսի ծնունդը։
Նրանք ողջունում են միմյանց՝ ասելով «Քրիստոս ծնվեց և հայտնվեց, Ձեզ և մեզ մեծ ավետիս»:
Սուրբ Ծննդյան տոնը սկսվում է հունվարի 5-ի երեկոյան և շարունակվում կեսգիշերից հետո:
Իսկ արդեն վաղը՝ հունվարի 6-ին, Հայ Առաքելական եկեղեցին նշում է Հիսուս Քրիստոսի Սուրբ ծննդյան ու Աստվածահայտնության տոնը։ Կմատուցվի Սուրբ ծննդյան տոնական պատարագ:
