07.06.2026 | 22:11
Մի ընտրող եկավ, ասաց` ոչ մեկի չեմ ընտրելու, կտրոնը դրեց ծրարի մեջ, գցեց, գնաց. 8/20
ԱՄՆ-ը կարող է Թուրքիային F-16-երի վաճառքը հաստատել երկու ամսվա ընթացքում․ Էրդողանի խոսնակ
Քաղաքականություն
04.11.2022 | 21:44
Թուրքիայի նախագահ Ռեջեփ Թայիփ Էրդողանի խոսնակ, գլխավոր խորհրդական Իբրահիմ Քալընը հայտարարել է, որ ԱՄՆ-ի կողմից ՆԱՏՕ-ի անդամ Թուրքիային F-16 կործանիչների վաճառքի հաստատման գործընթացը լավ է ընթանում, և այն կարող է ավարտվել մի քանի ամսվա ընթացքում։ Այս մասին հայտնում է Reuters-ը, որին վկայակոչում է Turkish Minute-ը։
Թուրքիան 2021 թվականի հոկտեմբերին դիմել էր ԱՄՆ-ին՝ գնելու 40 Lockheed Martin F-16 կործանիչներ և մոտ 80 արդիականացման սարքեր իր գործող ռազմական ինքնաթիռների համար՝ F-35-երի գնման ձախողումից հետո իր օդուժը թարմացնելու համար:
Քալընը CNN Turk-ի հետ հարցազրույցում ասել է, որ Ջո Բայդենի վարչակազմն անկեղծ ջանքեր է գործադրում այդ հարցում։
«Հստակ կանխատեսում տալն այնքան էլ հեշտ չէ, բայց, ըստ երևույթին, մեծ հավանականություն կա, որ գործընթացը կավարտվի առաջիկա մեկ-երկու ամսվա ընթացքում։ Երբ դա տեղի ունենա, F-16-երի խնդիրը՝ արդիականացման ու նորերի գնման, կլուծվի»,- ասել է Քալընը։
Սեպտեմբերին էլ Էրդողանն ասել է, որ դրական արձագանք կա ԱՄՆ երկու սենատորներից, որոնց նա հանդիպել է Նյու Յորքում կործանիչների վաճառքին նրանց հնարավոր աջակցության համար։
Էմմա Չոբանյան
