21.04.2026 | 16:04
Հայաստանը պատրաստ է ընդլայնել կապերը. ՀՀ ԱԳՆ-ն շնորհավորել է Իսրայելի անկախության օրվա կապակցությամբ
Խերսոնում Ռուսաստանի դրոշն անհետացել է տեղի վարչակազմի շենքից
Քաղաքականություն
03.11.2022 | 18:16
ՌԴ-ի կողմից գրավված Խերսոնի շրջանային վարչակազմի շենքից նոյեմբերի 3-ի առավոտյան անհետացել է Ռուսաստանի դրոշը։ Այս մասին հայտնել է Խերսոնի շրջանային խորհրդի ղեկավարի առաջին տեղակալ, «Ժողովրդի ծառա» կուսակցության խերսոնյան բաժնի մասնաճյուղի ղեկավար Յուրի Սոբոլևսկին, գրում է Meduza-ն։
Նա Telegram-ի իր ալիքում հրապարակել է վարչական շենքի լուսանկարը, որի վրա բացակայում է Ռուսաստանի դրոշը։ Սոբոլևսկին նշել է, որ նկարն արվել է նոյեմբերի 3-ին։
Ռուսական իշխանություններին մոտ լրատվականները ևս նշում են, որ դրոշն անհետացել է։ WarGonzo նախագիծը պնդում է, որ Ռուսաստանի Դաշնության դրոշները չեն իջեցվել Խերսոնի այլ վարչական շենքերի վրայից, «բայց հիմնականի վրա այն չկա»։
Հիշեցնենք, որ ավելի վաղ Խերսոնի շրջանում նաև բնակչության տարհանում էր սկսվել։
Էմմա Չոբանյան
