23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
ՔՊ ղեկավար կազմը կվերանայվի, Կոնջորյանը և Մաթևոսյանը կհեռանան․ փոխնախարարը՝ ԵՄ վիզաների մասին․ Լուրեր
Քաղաքականություն
03.11.2022 | 15:10
- Նիկոլ Փաշինյանի ղեկավարած «Քաղաքացիական պայմանագիր» կուսակցության վարչության՝ նախորդ շաբաթ կայացած ընտրության արդյունքները կարող են փոփոխվել։ Վերանայման արդյունքում փոխվարչապետ Համբարձում Մաթևոսյանը և ՔՊ խմբակցության ղեկավար Հայկ Կոնջորյանը դուրս կգան վարչության կազմից՝ իրենց տեղը զիջելով Արսեն Թորոսյանին և Արմեն Փամբուխչյանին։ Մեր ունեցած տեղեկություններով՝ այս փոփոխություններն արվելու են վերահաշվարկի ժամանակ ի հայտ եկած փաստերի արդյունքում, և դա ներկայացվելու է որպես վերջիններիս կողմից ինքնաբացարկ։
- Հայաստանի և Ադրբեջանի միջև էսկալացիայի և առճակատման վտանգը պահպանվում է, այսօր հայտարարել է ՀԱՊԿ գլխավոր քարտուղարի տեղակալ Վալերի Սեմերիկովը՝ ԱՊՀ երկրների անվտանգության խորհուրդների քարտուղարների նիստում: Նրա խոսքով, ընթացիկ տարվա իրադարձությունները ցույց են տվել, որ ՀԱՊԿ-ին անհրաժեշտ է օպտիմալացնել ճգնաժամային իրավիճակներին արձագանքելու մեխանիզմը, այս հարցի վերաբերյալ փաստաթղթերի փաթեթ է պատրաստվել և համաձայնեցվում է։
- ԱԺ-ում 2023 թվականի բյուջեի նախագծի նախնական քննարկումների ժամանակ ՀՀ ԱԳ փոխնախարար Պարույր Հովհաննիսյանն ասել է, որ ԵՄ անդամ երկրների հետ վիզաների դյուրացման հարցը շարունակում է մնալ օրակարգում։ Նրա խոսքով՝ գալիք տարվա ընթացքում կարող է որոշակի առաջընթաց լինել։
Այս ժամի լուրերը՝ տեսանյութում։
