19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ծաղկաձորում կկայանա ԱՊՀ անդամ երկրների ֆիզիկական կուլտուրայի և սպորտի խորհրդի հերթական նիստը
04.06.2018 | 12:14
Ծաղկաձորում կանցկացվի ֆիզիկական կուլտուրայի և սպորտի ոլորտում համագործակցության համաձայնագրի անդամ ԱՊՀ երկրների ֆիզիկական կուլտուրայի և սպորտի խորհրդի հերթական նիստը. տեղեկացնում է ՀՀ ֆիզիկական կուլտուրայի և սպորտի նախարարությունը:
Խորհրդի աշխատանքներին կմասնակցեն ԱՊՀ անդամ երկրների ֆիզիկական կուլտուրայի և սպորտի ոլորտի պետական մարմինների ներկայացուցիչներ: Նիստը կտևի երկու օր՝ հունիսի 7-ից 8-ը՝ Ծաղկաձորի «Մուլտի Ռեստ Հաուզ» համալիրում:
Խորհրդի աշխատանքներին կմասնակցի նաև ՀՀ սպորտի և երիտասարդության հարցերի նախարար Լևոն Վահրադյանը: Նիստի առաջին օրը Հայաստանի Հանրապետությունում և ԱՊՀ երկրներում ֆիզիկական կուլտուրայի և սպորտի պետական քաղաքականության իրականացման վերաբերյալ զեկուցմամբ հանդես կգա ՀՀ սպորտի և երիտասարդության հարցերի նախարարի տեղակալ Գաբրիել Ղազարյանը:
Նիստի մասնակիցները կքննարկեն 2019-2020 թվականներին ֆիզիկական կուլտուրայի և սպորտի, ինչպես նաև ազգային մարզաձևերի զարգացմանն ուղղված միջոցառումներին, առողջ ապրելակերպի գաղափարների քարոզչության արդյունավետության բարձրացմանը, սպորտային բժշկության և հակադոպինգային քաղաքականությանը վերաբերող հարցեր:
Խորհրդի անդամների քննարկմանը կդրվի նաև 2018 թվականին Ղրղզստանում անցկացվելիք ազգային մարզաձևերի փառատոնի նախապատրաստական աշխատանքների պլանը, ինչպես նաև տեղի կունենա «Ասիայի երեխաներ» մարզական միջոցառման ներկայացումը (պրեզենտացիան):
