18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
Շոյգուն հայտարարել է, որ ՆԱՏՕ-ն ՌԴ-ի հետ սահմանին իր զորախումբը 2,5 անգամ ավելացրել է՝ հասցնելով 30․000-ի
Քաղաքականություն
02.11.2022 | 18:30
Ռուսաստանի պաշտպանության նախարար Սերգեյ Շոյգուն հայտարարել է, որ 2022 թվականի փետրվարից ՆԱՏՕ-ն երկուսուկես անգամ ավելացրել է իր զորախումբը ՌԴ-ի սահմանների մոտ՝ հասցնելով մինչև 30 հազար մարդու, գրում է Meduza-ն։
«Ստեղծվում են նոր բազմազգ գումարտակային խմբեր Բուլղարիայում, Հունգարիայում, Ռումինիայում, Սլովակիայում։ Խմբավորման թիվն առաջիկայում կարող է ավելանալ։ Դաշինքը մտադիր է առաջագծում ներկայությամբ Ռուսաստանին զսպելուց անցնել կոլեկտիվ պաշտպանության լայնածավալ համակարգ ստեղծելուն արևելյան թևում՝ մեր սահմաններին մոտ»,-ասել է Շոյգուն։
Նա նշել է, որ ուկրաինական բանակին էլ զինում են ժամանակակից զենքերով ու սպառազինությամբ։
Հավելենք, որ ՆԱՏՕ-ն չի թաքցնում իր ռազմական ներկայության ավելացումը Եվրոպայի արևելքում՝ Ուկրաինա ՌԴ ներխուժման հետևանքով։ Բուլղարիայում, Հունգարիայում, Ռումինիայում, Սլովակիայում գումարտակային մարտավարական խմբեր են ստեղծվել։ Մայիսին հայտարարվել էր, որ արևելյան թևի զորքերի թիվը գրեթե 10 անգամ ավելացել է՝ 4․650-ից հասնելով 40․000-ի։
Էմմա Չոբանյան
