17.12.2025 | 09:32
Վարդենյաց լեռնանցքում տեղ-տեղ առկա է մերկասառույց
Տեսել է, որ համագյուղացու գառներն իր հողամասում արոտ են անում, որսորդական հրացանից կրակ է արձակել
Հասարակություն
02.11.2022 | 18:41
Նոյեմբերի 1-ին ոստիկանության Արտաշատի բաժնում օպերատիվ տվյալներ էին ստացվել, որ մեկ շաբաթ առաջ Այգեպատ գյուղի դաշտերում նույն գյուղի բնակիչը որսորդական հրացանից կրակել և վնասել է համագյուղացու գառներին․ տեղեկացնում են ՀՀ ոստիկանությունից։
«Ոստիկանների բացատրական աշխատանքի արդյունքում 66-ամյա տղամարդը ներկայացել է Արտաշատի բաժին՝ ներկայացնելով իր անվամբ հաշվառված ողորկափող որսորդական հրացանը: Նա հայտնել, թե օրեր առաջ տեսնել է, որ համագյուղացու գառները իր հողամասում արոտ են անում՝ վնասելով տնկիները, և քանի որ ինքը նախկինում զգուշացրել էր համագյուղացուն, որ գառների հոտը չմտցնի իր հողամասը, զայրացած կրակել է գառների ուղղությամբ՝ վնասելով նրանց:
Կազմված փաստաթղթերն ուղարկվել են Արարատի մարզային քննչական վարչություն»,- ասված է հաղորդագրությունում։
