16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պարզվում է՝ քարերի երկիր Հայաստանում քար չկա․ հանքերը «մեջ-մեջ» են արվել․ Փաշինյան․ ՏԵՍԱՆՅՈՒԹ
Տնտեսություն
02.11.2022 | 12:47
Այս տարին երկնիշ տնտեսական աճով ենք ամփոփելու՝ հաղթահարելով բարձր աճի այն բացը, որն ունեցել ենք 2020 թվականին։ Այս մասին ԱԺ-ում ասաց վարչապետ Նիկոլ Փաշինյանը։
«Մենք նպատակադրում ունենք նաև 2023 թվականին առնվազն 7 տոկոս տնտեսական աճ ապահովել, բայց սա ավելի դժվար է, որովհետև այդ 7 տոկոս աճը պետք է ապահովել 14 տոկոս աճի վրա։ Եվ այստեղ է հիմնական խնդիրը, բայց ես դա համարում եմ լուծելի խնդիր»,- նշեց վարչապետը՝ ընդգծելով, որ կառավարության կարևոր դերը պետք է լինի հետևյալը՝ չխանգարել տնտեսությանը, որպեսզի աճ ապահովվի։
«Աճը պետք է ապահովի մասնավոր հատվածը, մենք պետք է ստեղծենք դրա համար բոլոր պայմանները։ Բայց մասնավոր հատվածում մենք խնդիրներ ունենք․․․ Մասնավոր հատվածը գերբեռնված է։ Մենք մտավախություն ունենք, որ ճանապարհների շինարարության, դպրոցների, մանկապարտեզների և այլ պետական ծրագրերի շինարարության հարցում կարող ենք ունենալ պրոբլեմներ, որովհետև կարող են շինարարական ընկերությունները չհասցնել պետության պատվերները կատարել։ Ավելին, մենք հիմա շատ խոր ինստիտուցիոնալ պրոբլեմների առաջ ենք կանգնում, որովհետև պարզվում է 14 տոկոս շինարարության աճը բավարար է, որպեսզի մեր երկրում ցեմենտի, քարի, այլ շինանյութի դեֆիցիտ արձանագրվի․․․ Արտոնություններ տալու ժամանակ մենք պետք է զգույշ լինենք, մենք պետք է աջակցենք առողջացմանը և զարգացմանը, տնտեսությունում պալեատիվ քաղաքականություն վարելը ահավոր բան է և միայն վնաս է բերում։
Օրինակ՝ երբ որ մենք ուզում եք տեղական արտադրության քարերի օգտագործումը պետական ծրագրերում ավելացնել, պարզվում է՝ քարերի երկիր Հայաստանում քար չկա, սա աբսուրդ իրավիճակ է, և պատճառը նունն է՝ մենք ունեցել ենք իրավիճակներ, երբ հանքերը մեջ-մեջ են արվել, տնտեսական բանաձև չի դրվել հիմքում, տնտեսական հայտնի այդ խնդիրները մինչև հիմա կան, հետևողական քաղաքականություն պետք է վարել՝ այդ խնդիրները լուծելու համար։
Այո՛, մենք պետք է գնանք այդ ճանապարհով և ապահովենք 7 տոկոս տնտեսական աճ, ապահովենք կայունություն ՀՀ շուրջը, անվտանգության հնարավորինս բարձր մակարդակ և պետության ինստիտուցիոնալ զարգացման շարունակականությունը»,- նշեց Փաշինյանը։
Մանրամասները՝ տեսանյութում։
