07.06.2026 | 15:15
Ժամը 14։00-ի դրությամբ՝ ընտրական իրավունքը վերականգնելու համար դատարան է դիմել 21 անձ
2018-ին, որ իջնում էի «Զվարթնոցում», օդանավ չկար. հիմա այնտեղ շատ հայկական ինքնաթիռներ կան․ ՏԵՍԱՆՅՈՒԹ
Տնտեսություն
02.11.2022 | 11:17
«2018 թվականին մենք խոստացել էինք, որ պայմաններ կստեղծենք հայկական ավիացիայի վերածննդի համար և դա մեզ հաջողվել է։ Սա Հայաստանի համար քաղաքական և տնտեսական մեծ նշանակություն ունի»,- այս մասին ԱԺ հանձնաժողովների համատեղ նիստում 2023 թվականի բյուջեի քննարկումների ժամանակ նշեց ՀՀ վարչապետ Նիկոլ Փաշինյանը:
Վարչապետի դիտարկմամբ այն, որ ավիացիոն փոխադրումները նկատելիորեն ակտիվացել են առաջին հերթին հայկական ավիաընկերությունների ստեղծման շնորհիվ։
«Վերջին օրերին անընդհատ այցեր եմ ունեցել օտար երկրներ, և այդ վերածնունդը տեսանելի է։ Ես հիշում եմ` 2018-19 թվականներին, երբ վայրէջք էի կատարում «Զվարթնոց» օդանավակայան , հանդիպում էի բացարձակ դատարկության, երբ գեթ մեկ օդանավ չկար , եղածներն էլ, եթե հատուկենտ պատահում էին, օտարերկրյա օդանավեր էին։
Պետք է ուրախությամբ արձանագրել, որ այսօր մենք աշխուժություն ենք տեսնում ավիացիոն փոխադրումների ոլորտում, և հաճույքով եմ արձանագրում, որ ոչ ճշգրիտ վիճակագրությամբ` չվերթերի մոտավորապես 30 տոկոսը իրականացնում են հայաստանյան ծագում ունեցող ավիաընկերությունները»,- նշեց վարչապետը։
Փաշինյանը հավելեց, որ ավիացիայի ոլորտում խնդիրներ էլ կան` «սև ցուցակ» և այլն, բայց վստահ է, որ այդ խնդիրները ինստիտուցիոնալ կերպով կհաղթահարվեն։
Մանրամասները՝ տեսանյութում։
