16.12.2025 | 18:14
Էրդողանն ակնարկել է տարեսկզբին ՀՀ սահմանը բացելու մասին // Սևակի արձանը կհեռացնեն․ ԼՈՒՐԵՐ
Երևանում տեղադրվել է 63 կանչովի լուսացույց, ևս 140-ը կտեղադրվի մինչ տարեվերջ
Հասարակություն
01.11.2022 | 21:41
Մայրաքաղաք Երևանում անվտանգ երթևեկության ապահովման նպատակով մի շարք ծրագրեր են նախաձեռնվել։ Այս մասին հայտնում է քաղաքապետ Հրաչյա Սարգսյանը։
«Մայրաքաղաքում անվտանգ երթեւեկության ապահովումը մեր առաջնահերթություներից է։ Խնդիրները շատ են եւ բազմատեսակ, բայց արվում է հնարավորը գործընթացը մաքսիմալ արագ կազմակերպելու համար։
Այս տարվա ապրիլի մեկից, ի դեպ, գծանշումներ իրականացնելու, լուսացույցեր եւ ճանապարհային նշաններ տեղադրելու գործառույթն անցավ համայնքին:
Արդեն տեղադրվել է 63 կանչովի լուսացույց, եւս 140 լուսացույց կտեղադրվի մինչ տարեվերջ։
Համայնքը Եվրոպական ներդրումային բանկի հետ բանակցում է քաղաքի երթեւեկությունն ամբողջությամբ խելացի լուսասույցերով կառավարելու գործընթացի շուրջ։
Համալիր ծրագրի շրջանակներում Երեւանը կունենա նաեւ տրանսպորտի կառավարման կենտրոն. քաղաքի բոլոր խաչմերուկներին եւ հետիոտնային անցումներին տեղադրված խելացի լուսացույցերով կհաջողվի արդյունավետ կառավարել երթեւեկությունը։
Մայրաքաղաքի ծանրաբեռնված երթեւկությունը կանոնակարգելու համար ՃՈ-ի հետ որոշակի լուծումներ են գծանշվում. կիրականացվի ճանապարհային երթեւեկության նշումներով կահավորում, նյու ջերսիների տեղադրում»,-նշված է Սարգսյանի ֆեյսբուքյան գրառման մեջ:
